ონლიან კურსი - "თამაშების დეველოპმენტი Unity "

კურსის ფარგლებში, მსმენელები შეისწავლიან კომპიუტერული თამაშების შექმნას. თამაშების შესაქმნელად ერთ-ერთი ყველაზე პოპულარული პლატფორმა არის Unity. Unity უფრო მეტია ვიდრე უბრალოდ პროგრამა. ამიტომ, მას ხშირად პლატფორმას ან თამაშების შესაქმნელ ძრავსაც უწოდებენ. Unity-ს საშუალებით შეიძლება როგორც მარტივი 2D თამაშების შექმნა, ასევე რთული 3D თამაშებისაც. Unity-ში აწყობილი თამაში, დეველოპერს შეუძლია დააგენერიროს Android, iOS, Windows, oculus, WebGl, Linux, Playstation, Xbox და სხვა ოპერაციული სისტემისათვის. ეს ნიშნავს იმას, რომ ერთი დაწერილი კოდით, ერთხელ აწყობილი თამაში მთელს მსოფლიოში სხვადასხვა მოწყობილობის მქონე ადამიანებს გაუზიარო.

კურსის ფარგლებში, მსმენელები შეისწავლიან პროგრამირების ენა C#-ს და მისი დახმარებით Unity-ში კომპიუტერული თამაშების აწყობას, ასევე, თანამედროვე კომპიუტერული თამაშების მუშაობის პრინციპებს. კურსის ბოლოს კი იმუშავებენ ფინალურ პროექტებზე.

კურსის გავლის შედეგად მოსწავლეებს ეცოდინებათ:

• როგორ იქმნება 2D და 3D თამაშები;
• პროგრამირების ენა C#-ის საწყისები;
• პროგრამირების ენა C#-სა და Unity-ის საშუალებით თამაშების აწყობა;
• თამაშის შესაქმნელად საჭირო სხვადასხვა ალგორითმები.

გაითვალისწინეთ რომ მონაწილეობის მისაღებად აუცილებელია შეასრულოთ მოცემული მისაღები დავალება

დავალების შესასრულებლად იხელმძღვანელეთ მოცემული ვიდეო ინსტრუქცის მიხედვით https://youtu.be/q0JOQi9W5w0  

შესრულებული დავალების ბმული გამოაგზავნეთ მოცემული ვიდეო ინსტრუქციის მიხედვით https://youtu.be/VhHtcEgx5Nc 

დავალებაში მოცემული ობიექტები შეგიძლიათ ჩამოტვირთოთ ბმულდან

დავალების შესრულების შემდეგ გაიარეთ კურსზე რეგისტრაცია უპასუხეთ კითხვებს და გამოაგზავნეთ შესრულებული დავალების ბმული.

რეგისტრაცია უნდა გაიაროთ კურსზე, უნდა უპასუხოთ მოცემულ კითხვებს და გამოაგზავნოთ დავალების ბმული, იმ შემთხვევაში თუ რეგისტრაციას გაივლით მხოლოდ საიტზე და არა კურსზე, თქვენი განაცხადი არ იქნება მიღებული და მონაწილეობას ვერ შეძლებთ. 

ონლაინ კურსზე რეგისტრაციის დეტალებს გთხოვთ გაეცნოთ ვიდეო გზამკვლევის საშუალებით https://youtu.be/r1W_fydertQ

კურსის მიმდინარეობა, განრიგი და ვადები:

სალექციო დღეები:

კვირაში ტარდება 2 ლექცია (2 საათი),  სულ 20 შეხვედრა 40 საათი

სამშაბათი 18:30 - 20:30 - პარასკევი 17:00 - 19:00

მნიშნელოვანი თარიღები:

• რეგისტრაციის დასაწყისი - 20 დეკემბერი
• რეგისტრაციის დასასრული - 20 იანვარი
• მონაწილეების შერჩევა - 23 იანვარი
• საინფორმაციო შეხვედრა შერჩეულ მოსწავლეებთან- 23 - 27 იანვარი
• სწავლის დაწყება - 27-31 იანვარი
• სწავლის დასასრული - 15 აპრილი
• ფინალური პროექტების წარდგენა - 28-30 აპრილი

კურსის გავლის კრიტერიუმები პირობები

• პროგრამაში მონაწილეობა შეუძლიათ სკოლის მოსწავლეებს მე-7 - მე-12 კლასელებს (12 -18 წელი)
• მონაწილეების შერჩევა მოხდება შემდეგი კრიტერიუმის მიხედვით: რეგიონული ბალანსი, 11 რეგიონი (აჭარა, გურია, თბილისი, იმერეთი, კახეთი, მცხეთა-მთიანეთი, რაჭა-ლეჩხუმი და ქვემო სვანეთი, სამეგრელო-ზემო სვანეთი, სამცხე-ჯავახეთი, ქვემო ქართლი, შიდა ქართლი) შესრულებული დავალების ხარისხი, მოტივაცია და რეგისტრაციის რიგითობა.
• მნიშვნელოვანია გქონდეთ წვდომა ინტერნეტთან და საშუალო სიმძლავრის კომპიუტერი (Operating Systems: Windows 10 or later (64-bit), x86-64 based.), რომელზეც შეძლებთ ფორმაში მოცემული დავალების შესრულებას.

კურსი არის სრულად დაფინანსებული, არის უფასო მოსწავლეებისთვის.

გთხოვთ, ყურადღებით გაეცნოთ რეგისტრაციის ინსტრუქციას

1. თავდაპირველად გაიარეთ რეგისტრაცია ვებგვედზე, შექმენით თქვენი პროფილი (იმ შემთხვევაში თუ უკვე რეგისტრირებული ხართ, თქვენი იუზერით და პაროლით შედით სისტემაში),
2. ვერიფიკაციისა და ავტორიაზაციის შემდეგ კი გაიარეთ რეგისტრაცცია სასურველი მიმართულების კურსზე - უპასუხეთ მოცემულ კითხვებს და გამოაგზავნეთ შესრულებული დავალება.

ვებგვერდზე რეგისტრაციისთვის, საჭიროების შემთხვევაში, დაიხმარეთ ვიდეო ინსტრუქცია https://youtu.be/KtRdbk38C_g?feature=shared 

გაითვალიწინეთ, დავალების გამოგზავნის და რეგისტრაციის ბოლო ვადაა 26 იანვარი 23:00 საათი.