ონლაინ კურსი - თამაშების დეველოპმენტი Love2D, lua

კურსის განმავლობაში მოსწავლეები გაეცნობიან თამაშების შესაქმნელ გარემოს - love2D, რომლის გამოყენებითაც შესაძლებელია 2D თამაშების შექმნა. კურსის მიზანია, მსმენელებს გადასცეს ის ცოდნა და უნარები, რაც კომპიუტერული თამაშების შესაქმნელადაა საჭირო. 

კურსის ფარგლებში მსმენელები შეისწავლიან თამაშის სცენარის შემუშავებას და მის პირველად ტესტირებას. კურსის დროს, თამაშის დაპროგრამება, პროგრამული ენის - lua-ს საშუალებით განხორციელდება. 

კურსის გავლის შედეგად მოსწავლეებს ეცოდინებათ:

• პროგრამირების საფუძვლები;
• პროგრამირების ენა lua;
• თამაშების პროგრამირების სპეციფიკა;
• თამაშების შესაქმნელი პროგრამული გარემო - love2D-ს გამოყენება;
• თამაშის შექმნის პროცესი, პროგრამირების მიღმა არსებული უნარების გამოყენებით.

გაითვალისწინეთ რომ მონაწილეობის მისაღებად აუცილებელია შეასრულოთ მოცემული მისაღები დავალება:

ქვემოთ მოცემულია სავარჯიშოები. მათ შესასრულებლად შეგიძლიათ გამოიყენოთ პროგრამირების ნებისმიერი ენა (მათ შორის პსევდოკოდი), თუმცა რეკომენდირებულია დინამიური ენის გამოყენება. დავალებების შესასრულებლად შეგიძლიათ გამოიყენოთ ინტერნეტი.

1. დაბეჭდეთ კონსოლში “hello world”.
2. შექმენით ცვლადები a და b, ორივე int ტიპის. გადაცვალეთ მათი მნიშვნელობები (b-ს ჰქონდეს ის მნიშვნელობა, რომელიც თავიდან ჰქონდა a-ს, და პირიქით)
3. დაწერეთ კოდი, რომელიც გადააკეთებს წუთებს წამებად და შედეგს დაბეჭდავს ასეთი სახით: “[წუთების რაოდენობა] წუთი არის [წამების რაოდენობა] წამი”
4. დაბეჭდეთ კონსოლში რიცხვები 1-დან 100-ის ჩათვლით
5. დათვალეთ 1-დან 10-ის ჩათვლის რიცხების ჯამი. ეს ჯამი დაბეჭდეთ კონსოლში
6. დაბეჭდეთ 1-დან 10-ის ჩათვლის გამრავლების ტაბულა
7. შექმენი int ტიპის ცვლადი. თუ მისი მნიშვნელობა უარყოფითია, დაბეჭდე “რიცხვი უარყოფითია”
8. შექმენით int ტიპის ცვლადი. თუ ცვლადი ლუწია და 20-ზე მეტი, დაბეჭდეთ “აკმაყოფილებს მოთხოვნებს”
9. დაწერეთ ფუნქცია, რომელიც არგუმენტად იღებს 2 რიცხვს, უმატებს მათ ერთმანეთს და აბრუნებს შედეგს. შედეგი დაბეჭდეთ კონსოლში
10. დაწერეთ ფუნქცია, რომელიც არგუმენტად იღებს რადიუსს და ითვლის წრის ფართობს (pi = 3.14)

დავალების შესრულების შემდეგ გაიარეთ კურსზე რეგისტრაცია უპასუხეთ კითხვებს და შესრულებული დავალება ჩააკოპირეთ შესაბამის გრაფაში. 

რეგისტრაცია უნდა გაიაროთ კურსზე, უნდა უპასუხოთ მოცემულ კითხვებს, იმ შემთხვევაში თუ რეგისტრაციას გაივლით მხოლოდ საიტზე და არა კურსზე, თქვენი განაცხადი არ იქნება მიღებული და მონაწილეობას ვერ შეძლებთ. 

ონლაინ კურსზე რეგისტრაციის დეტალებს გთხოვთ გაეცნოთ ვიდეო გზამკვლევის საშუალებით https://youtu.be/r1W_fydertQ 
 

კურსის მიმდინარეობა, განრიგი და ვადები:

სალექციო დღეები:

კვირაში ტარდება 2 ლექცია (2 საათი),  სულ 20 შეხვედრა 40 საათი

სამშაბათი - ხუთშაბათი 18:00 - 20:00

მნიშნელოვანი თარიღები:

• რეგისტრაციის დასაწყისი - 20 დეკემბერი
• რეგისტრაციის დასასრული - 20 იანვარი
• მონაწილეების შერჩევა - 23 იანვარი
• საინფორმაციო შეხვედრა შერჩეულ მოსწავლეებთან- 23 - 27 იანვარი
• სწავლის დაწყება - 27-31 იანვარი
• სწავლის დასასრული - 15 აპრილი
• ფინალური პროექტების წარდგენა - 28-30 აპრილი

კურსის გავლის კრიტერიუმები პირობები

• პროგრამაში მონაწილეობა შეუძლიათ სკოლის მოსწავლეებს მე-7 - მე-12 კლასელებს (12 -18 წელი)
• მონაწილეების შერჩევა მოხდება შემდეგი კრიტერიუმის მიხედვით: რეგიონული ბალანსი, 11 რეგიონი (აჭარა, გურია, თბილისი, იმერეთი, კახეთი, მცხეთა-მთიანეთი, რაჭა-ლეჩხუმი და ქვემო სვანეთი, სამეგრელო-ზემო სვანეთი, სამცხე-ჯავახეთი, ქვემო ქართლი, შიდა ქართლი) შესრულებული დავალების ხარისხი, მოტივაცია და რეგისტრაციის რიგითობა.
• მნიშვნელოვანია გქონდეთ წვდომა ინტერნეტთან და საშუალო სიმძლავრის კომპიუტერი (Operating Systems: Windows 10 or later (64-bit), x86-64 based.), რომელზეც შეძლებთ ფორმაში მოცემული დავალების შესრულებას.

კურსი არის სრულად დაფინანსებული, არის უფასო მოსწავლეებისთვის.

გთხოვთ, ყურადღებით გაეცნოთ რეგისტრაციის ინსტრუქციას

1. თავდაპირველად გაიარეთ რეგისტრაცია ვებგვედზე, შექმენით თქვენი პროფილი (იმ შემთხვევაში თუ უკვე რეგისტრირებული ხართ, თქვენი იუზერით და პაროლით შედით სისტემაში),
2. ვერიფიკაციისა და ავტორიაზაციის შემდეგ კი გაიარეთ რეგისტრაცცია სასურველი მიმართულების კურსზე - უპასუხეთ მოცემულ კითხვებს და გამოაგზავნეთ შესრულებული დავალება.

ვებგვერდზე რეგისტრაციისთვის, საჭიროების შემთხვევაში, დაიხმარეთ ვიდეო ინსტრუქცია https://youtu.be/KtRdbk38C_g?feature=shared 

გაითვალიწინეთ, დავალების გამოგზავნის და რეგისტრაციის ბოლო ვადაა 20 იანვარი 23:00 საათი