ტექნოლოგიური ტრენინგი სამოქალაქო განათლების პედაგოგებისთვის

ტრენინგი ტარდება USAID-ის სამოქალაქო განათლების პროგრამის ფარგლებში, GeoLab-თან პარტნიორობით. ტრენიინგის მიზანია, სამოქალაქო განათლების პედაგოგების აღჭურვა ისეთი უნარებით, რომლებიც მათ დაეხმარება ციფრული ტექნოლოგიების და ინტერნეტის უსაფრთხო, პასუხისმგებლობიან და ეფექტურ გამოყენებაში. 

ტექნოლოგიურმა პროგრესმა და კერძოდ, ინტერნეტმა ჩვენი ცხოვრება უდავოდ გაამარტივა - ნებისმიერ ინფორმაციას სწრაფად ვპოულობთ, გადავცემთ და ვიღებთ. თუმცა, ინფორმაციის ინტერნეტში მოძიებას და გაცვლას თან სდევს კიბერსაფრთხეები, რომლებიც თქვენი მოწყობილობისა და მასში დაცული პირადი ინფორმაციისთვის რისკებს შეიცავს. სწორედ ამიტომ, პროგრამის განმავლობაში მასწავლებლები იმუშავებენ ისეთ საკითხებზე, როგორებიც არის:

• კიბერსაფრთხეების ძირითადი ასპექტების გამოკვეთა, პროგრამული საფრთხეების მახასიათებლების და თავდაცვის მექანიზმების პედაგოგებისთვის გაცნობა. 
• ინტერნეტთაღლითობის ძირითადი ასპექტების, თავდაცვის მექანიზმების და შესაბამისი სასწავლო ინსტრუმენტების გაცნობა. 
• კიბერბულინგის შესახებ წინარე ცოდნის გააქტიურება, მისი მახასიათებლების, ჩართული მხარეების და ძირითადი არხების გამოკვეთა, ასევე, პრევენციის და რეაგირების გზების გაცნობა. 
• ტროლების და ბოტების ფენომენის გაცნობა, მათი მოქმედების მიზნების და მახასიათებლების გამოკვეთა.

პროგრამა, ამასთანავე, მიზნად ისახავს, მასწავლებლებმა გაიაზრონ ახალი საგანმანათლებლო რესურსების შექმნის შესაძლებლობები, გაეცნონ საერთაშორისო პლატფორმებს, მიიღონ ინფორმაცია ელექტრონული რესურსების განვითარებასა და საქართველოში არსებულ კონტექსტზე:  

• მასწავლებლის, როგორც რესურსის შემქმნელის როლის განსაზღვრა, გამოკვეთა   
• სწავლა-სწავლების პროცესში ახალი საგანმანათლებლო რესურსების შექმნისა და გაზიარების აუცილებლობის გააზრება
• მასწავლებელი, როგორც ელექტრონული საგანმანათლებლო რესურსების შემქმნელი, რატომაა ამ როლის შეთავსება სასწავლო პროცესის უკეთ წარმართვისთვის საჭირო
• რესურსები რომლის გამოყენებითაც შეუძლიათ ჩატბოტის შექმნის სწავლა

ტრენინგის განრიგი:

21 ოქტომბერი (შაბათი)

სესია პირველი 14:30 - 16:30 სთ.

შესვენება 30 წუთი

სესია მეორე 17:00 - 19:00 სთ.

22 ოქტომბერი (კვირა)

სესია პირველი 14:30 - 16:30 სთ.

შესვენება 30 წუთი

სესია მეორე 17:00 - 19:00 სთ.

25 ოქტომბერი (ოთხშაბათი)

პროექტების პრეზენტაცია 19:00 - 21:00 სთ.

გთხოვთ გაითვალისწინეთ:

პროგრამაში მონაწილეობა შეუძლიათ მხოლოდ სამოქალაქო განათლების პროგრამაში ჩართული სკოლების სამოქალაქო განათლების პედაგოგებს.

მონაწილეობა უფასოა, ადგილები კი შეზღუდული

მონაწილეების შერჩევა მოხდება ორი კრიტერიუმის მიხედვით:

• თანაბარი გადანაწილება რეგიონების მიხედვით, 11 რეგიონი (აჭარა, გურია, თბილისი, იმერეთი, კახეთი, მცხეთა-მთიანეთი, რაჭა-ლეჩხუმი და ქვემო სვანეთი, სამეგრელო-ზემო სვანეთი, სამცხე-ჯავახეთი, ქვემო ქართლი, შიდა ქართლი)
• რეგისტრაციის რიგითობა

სამუშაო ენა: ქართული

ჩატარების ადგილი: ონლაინ, Google Meet (ჯეოლაბი უზრუნველყოფს, რეგისტრაციისა და შერჩევის შემდეგ, მონაწილეებისთვის შესაბამისი განრიგის და ბმულების  მიწოდებას)

მნიშვნელოვანია გქონდეთ წვდომა ინტერნეტთან

რეგისტრაცია დასრულებულია (მომდევნო ტრენინგი ჩატარდება 2024 წლის ოქტომბერში)