ტექნოლოგიები სამოქალაქო განათლებისათვის

,,გახდი მედიაწიგნიერი"

ავტორი:

ნინო ჩიხლაძე

აქტივობა:

ტექნოლოგიური ტრენინგი სამოქალაქო განათლების პედაგოგებისთვის

აქტივობის მიღება:

2023 წლის შემოდგომა

აქტივობის ტიპი:

მასწავლებლის ტექნოლოგიური ტრენინგი

მიმართულება:

ციფრული მოქალაქეობა

პროექტის თემა: მედიაწიგნიერებაI. პრობლემის დასაბუთება: XXI საუკუნეში ინფორმაციული ტექნოლოგიების სწრაფმა ზრდამ ხელი შეუწყო ინფორმაციებზე ხელმისაწვდომობის გაზრდასაც. დღეს ახალგაზრდები და არამარტო ახალგაზრდები, ძალიან დიდი მოცულობით ინფორმაციას იღებენ, სწორედ ეს ინფორმაცია აყალიბებს მათ შეხედულებებს, ღირებულებებს, მოსაზრებებს და მათ ქცევას საზოგადოებაში. მთავარი პრობლემა არის ის რომ მოზარდებს არ გააჩნიათ სათანადო კომპეტენცია, უნარი, განასხვაონ ნამდვილი და ცრუ ინფორმაცია ერთმანეთისგან, იფიქრონ და იაზროვნონ კრიტიკულად ნებისმიერი ინფორმაციის მიღების დროს, რათა არ გახდნენ ყალბი ინფორმაციის მსხვერპლი ან არასწორი ინფორმაციის გამავრცელებლები. II. პროექტის მიზანები: • მოსწავლეებში მედია წიგნიერებაზე ცნობიერების ამაღლება,• მედია და საინფორმაციო წიგნიერების უნარ-ჩვევების განვითარება. • ანალიტიკური და კრიტიკული აზროვნების, • მოსმენისა და დაკვირვების უნარ-ჩვევების გამომუშავება.III. სამიზნე ჯგუფები (ვისი პრობლემის მოგვარებას ცდილობთ და ვინ შეიძლება მიიღოს კიდევ სარგებელი)VIII კლასის მოსწავლეები ( 13წლის მოზარდები)IV. რისკების ანალიზი პროექტის განხორციელების ეტაპზე შესაძლებელია პროექტში მონაწილე მოსწავლეებს მოუწიოთ დისტანციურ სწავლებაზე გადასვლა. თუმცა, დაგეგმილი აქტივობების განხორციელება შესაძლებელია დისტანციურადაც.V. სამოქმედო გეგმაამოცანა I: მოსწავლეთა მოლოდინების განსაზღვრა და წინარე ცოდნის დადგენა.I ამოცანის განხორციელების გზები (აქტივობები):აქტივობა #1 პროექტის წარდგენამოსწავლეებს გავაცნობ პროექტის მიზანს და ამოცანებს. ასევე პროექტის ფარგლებში დაგეგმილ აქტივობებს.აქტივობა#2 მოლოდინების განსაზღვრა Padlet-ის დაფის გამოყენებით მოსწავლეები განსაზღვრავენ და Padlet -ის დაფაზე აფიქსირებენ თავიანთ მოლოდინებს პროექტთან დაკავშირებით.აქტივობა #3 პრეტესტი Microsoft Forms-ის გამოყენებით პრე ტესტის მიზანია გავიგო მოსწავლეების დამოკიდებულება ამა თუ იმ მედიაწიგნიერების საკითხებთან დაკავშირებით, გავარკვიო რა ცოდნას და უნარებს ფლობენ მედიაწიგნიერების კუთხით და რამდენად შეუძლიათ ინფორმაციის კრიტიკულად გააზრება.აქტივობა #4 -სახალისო აქტივობა- „სამი, რამ ჩემს შესახებ“ აქტივობის მიზანია, მონაწილეთა გახალისება და ჯგუფის მომზადება სამუშაოდ. მოსწავლეებმა უნდა დაასახელონ 2 ნამდვილი და 1 მოგონილი ფაქტი მათ შესახებ და ჯგუფის სხვა წევრებმა უნდა ამოიცნონ, რომელია მოგონილი ფაქტი.ამოცანა II: მოსწავლეებში მედიაწიგნიერების უნარების განვითარებაII ამოცანის განხორციელების გზები (აქტივობები):აქტივობა # 5 სათაურების გააზრება აქტივობის დროს მოსწავლეები გაიაზრებენ, როგორ ხდება სათაურების გამოყენება მანიპულაციის ან შეცდომაში შეყვანის მიზნით. მოსწავლეებს წარვუდგენ პრეზენტაციას და გავაცნობ სათაურების სხვადასხვა ტიპებს, განვიხილავთ თითოეული სათაურის ტიპის მაგალითებს სხვადასხვა მედიიდან , მათ შორის არასარწმუნო და მანიპულაციურ სათაურებს.მოსწავლეები იმსჯელებენ საკუთარ გამოცდილებაზე თუ რამდენად ხშირად ეცნობიან მხოლოდ სათაურებს , გაუზიარებიათ თუ არა რაიმე ინფორმაცია მხოლოდ სათაურის მიხედვით , რა შედეგი მოჰყოლია ასეთ დაუფიქრებელ ქმედებას და ა.შ.აქტივობა #6. ყალბი ინფორმაციის საფრთხეინტერაქციული ლექციის საშუალებით მოსწავლეები გაეცნობიან ყალბი ინფორმაციის ძირითად ტიპებს, იმსჯელებენ რა უწყობს ხელს ყალბი ამბების გავრცელებას, რა მიზანს შეიძლება ემსახურებოდეს ე.წ Fake News, როგორ ამოვიცნოთ ყალბი ინფორმაცია, რას უნდა მივაქციოთ ყურადღება, ვინ არიან და როგორ ამოვიცნოთ ტროლები და ბოტები და ა.შ.ვიდეორგოლის ჩვენება- „გახდი მედიაწიგნიერი, გადაამოწმე ინფორმაცია!“პრაქტიკული სავარჯიშო/ თამაში ”ტროლთა კუნძული“. ( დაინტერეესების შემთხვევაში მეორე თამაში- „იხვებზე მონადირე“) მოსწავლეები აღნიშნულ თამაშს ნახავენ მედია და ინფორმაციული წიგნიერების ლაბორატორიის საიტზე.აქტივობა #7.ფოტო/ვიდეო მასალის გადამოწმების ინსტრუმენტების გაცნობა მოსწავლეები გაეცნობიან, როგორ ამოიცნონ ფოტო და ვიდეომასალა, რომლებსაც მიზანი შეუცვალეს. გაეცნობიან უკუძიების 2 ძირითად ინსტრუმენტს, რომლითაც შეამოწმებენ, ხომ არარის ფოტო გადაკეთებული. ინსტრუმენტების გაცნობის შემდეგ შეასრულებენ პრაქტიკულ დავალებას ინდივიდუალურად. მოსწავლეებს გადაეგზავნებათ ფოტოები და მათ უკვე ნასწავლი ინსტრუმენტების გამოყენებით უნდა დაადგინონ რა იყო თავდაპირველად გამოსახული ორიგინალურ ფოტოზე, ფოტოს გადამოწმების რომელი მეთოდი გამოიყენეს და რა ისწავლეს ამ პროცესში.აქტივობა #8. ვიქტორინაkahoot.com-ის გამოყენებით ( მოქალაქეობა-მასმედია) პროექტის ფარგლებში მიღებული ცოდნისა და უნარების შემოწმება. ამოცანა III: მოსწავლეების მიერ სასკოლო საზოგადოების ცნობიერების ამაღლებაIII ამოცანის განხორციელების გზები (აქტივობები):აქტივობა #9. პროდუქტის შექმნამოსწავლეები პროექტში მიღებული ცოდნისა და უნარების გამოყენებით ჯგუფურად მოამზადებენ სხვადასხვა რესურსებს მედიაწიგნიერების თემაზე და გაავრცელებენ სკოლაში.I ჯგუფი- საინფორმაციო პოსტერის მომზადება და დერეფანში განთავსება - სახელწოდებით „როგორ ამოვიცნო ყალბი ინფორმაცია“.II ჯგუფი - საინფორმაციო ფლაერის მომზადება და სასკოლო საზოგადოებაში გავრცელება- სახელწოდებით „ დაფიქრდი და გადაამოწმე“III ჯგუფი - ვიდეორგოლის მომზადება და სოციალურ ქსელში გავრცელება- სახელწოდებით „ინფორმაციის გადამოწმება მნიშვენელოვანია!“აქტივობა #10 პოსტ ტესტი Microsoft Forms-ის გამოყენებითVI. მონიტორინგის, შეფასებისა და უკუკავშირის გეგმაპროექტის ერთ ერთი აქტივობაა ვიქტორინა, რომელიც საშუალებას მომცემს შევაფასო პროექტის შედეგები. პროექტის ბოლო ეტაპია პროექტის დახურვა, მოსწავლეები ისაუბრებენ პროექტის მნიშვნელობაზე, რა ცოდნა და უნარები შეიძინეს პროექტის ფარგლებში, გამართლდა თუ არა მათი მოლოდინები, რა სირთულეები შეხვდათ, რა შეიცვლება მომავალშიVII. მოსალოდნელი შედეგებიმოსწავლეები შეძლებენ ინფორმაციის მიღების, დამუშავების, გააზრების, სისტემაში მოყვანის და წარდგენა-გაზიარების უნარის გამომუშავებას.

გალერეა:

პროექტის კოდი